House of Umar (r.a)

مسجد نبوی (ص) کے دروازے نمبر ٦ سے باہر نکلا تو سامنے مسجد غمامہ ہے . اسی طرف تھوڑا اور آگے بڑھا تو سعودی پوسٹ کا دفتر ہے .. جس سے متصل گلی میں ایک مسجد کا مینار نظر آرہا تھا ... قریب گیا تو مسجد کا رقبہ ١٠٠ گز کہ قریب ہوگا ... مسجد کچھ اس طرح چھپی ہوی تھی کہ کوئی اندر جا نہیں سکتا تھا ... کیوں کہ اسکے ساتھ ہی ایک بڑی بلڈنگ زیر تعمیر تھی... ایک صاحب سے معلوم ہوا کہ یہ مسجد اس جگہ خلافت عثمانیہ کے دور میں بنائی گئی تھی. یہ اس انسان کا گھر تھا جسکی ٢٢ لاکھ مربع میل پر حکومت تھی.

 جس کے رعب سے شیطان بھی ڈرتا تھا . جو بیت ا لمقدس میں فاتح کی حثیت سے داخل ہوا تو غلام اونٹ پر تھا اور رسی مالک کے ہاتھ میں تھی. یہ وہ حکمران تھا جو کسرہ کے محل کا مالک ہوسکتا تھا لیکن اسے گھر میں رہتا تھا جہاں نماز کی 4 صفیں نہیں بن سکتی تھیں.. وہ چالیسواں شخص تھا جس نے اسلام قبول کیا... لیکن اس کے بعد مسلمانوں نے کعبہ میں نماز پڑھی.. جس کی بیٹی زوجہ رسول (ص) ہیں ... جس کے لئے خود نبی (ص) نے فرمایا کہ میرے بعد اگر کوئی نبی ہوتا تو وہ عمر ہوتا لیکن.."لا نبی بعدی" ...!